Речиси 96.000 луѓе починаа од коронавирус во светот за една недела. Ова е рекорд за период од седум дена од почетокот на пандемијата, соопшти денеска Светската здравствена организација (СЗО).
Смртните случаи од коронавирус во периодот меѓу 18 и 24 јануари се за еден процент повеќе отколку претходната недела.
Од друга страна, бројот на регистрирани новозаразени лица во период од седум дена е помал за 15 проценти. Од 18 до 24 јануари, потврдени се околу 4.105.000 нови случаи на коронавирус.
Според СЗО, повеќе од 98,28 милиони луѓе во светот се заразени од почетокот на пандемијата, а над 2,11 милиони од нив починаа.