„Паѓаат автократските режими. Следен е Александар Вучиќ, а со него и Христијан Мицкоски. Регионот припаѓа на Европа, а не на Русија. Историската победа во Унгарија испраќа јасна порака до целиот регион: времето на автократите завршува“, велат од опозициската партија

Според СДСМ, граѓаните на Унгарија јасно рекле „доста е автократија!“

„По 16 години владеење на Виктор Орбан, неговиот недемократски режим падна. Криминалната организација ВМРО останува без својот единствен сојузник во Европската Унија. Нема повеќе криење на Никола Груевски во Будимпешта, тајни бизнис-комбинации, ниту кинески пари кои доаѓаа преку тој режим“, велат од СДСМ во денешното соопштение.

The post ВМРО-ДПМНЕ останува без својот единствен сојузник во ЕУ appeared first on IPortal.

Вознемирувачка вест ја потресе јавноста во Велика Горица. Во станбена зграда во самиот центар на градот, во непосредна близина на полициската станица, се случи двојна трагедија – мајка си го одзеде животот скокајќи од шестиот кат, откако претходно ја убила својата 17-годишна ќерка.

Полициските екипи и форензичките експерти со часови го обезбедуваа местото на настанот, каде беше поставен и истражен шатор. По извршениот увид во станот, пронајдено е телото на малолетничката, а првичните наоди укажуваат на насилна смрт.
Жителите на зградата и локалното население се во неверување. За нив, настанот е апсолутно неразбирлив, особено со оглед на тоа што, како што велат, ваква трагедија никогаш претходно не се случила во нивната средина.

„Исусе Христе, на четврти кат сум, ужасно е, тажно“, изјави еден од соседите.
„Кога слушнав, не можев да се освестам“, додаде друг станар.
„Ужасен сум, особено кога разбрав дека станува збор за мајка и нејзината 17-годишна ќерка“, вели шокиран граѓанин на Велика Горица.
Според првичните информации, семејството не било во системот на Хрватскиот завод за социјална работа, ниту претходно биле преземани какви било мерки за заштита. Истражителите во моментов вршат разговори и собираат докази за да се утврдат причините што довеле до овој чин.

Телата на починатите се пренесени на Институтот за судска медицина и криминалистика во Шалата, каде ќе се изврши обдукција. Окружното државно обвинителство и полицијата најавија дека по комплетирањето на истрагата ќе излезат со официјален извештај за утврдените факти.

The post Мајка си го одзеде животот откако ја усмртила 17-годишната ќерка во Велика Горица appeared first on IPortal.

Вчера, Унгарија затвори едно тешко
политичко поглавје.
Не беше тоа тивок крај, туку гласна порака од граѓаните преку референдумско изјаснување дека ниту еден модел на власт не може да опстои кога ќе се оддалечи од интересот на сопственото општество.
Честитки до граѓаните на Унгарија, чија одлука не е само внатрешна политичка промена – таа е сигнал дека Европа повторно станува мерило за политичка, а не само на географска припадност.
И одговорност.
Да бидеме јасни- падот на Виктор Орбан отвора бајаги пошироки теми.
Не се работи само за една политичка фигура која владееше 16 години, туку за систем кој со години се обидуваше да функционира паралелно со Европската Унија – со сопствени правила, сопствени медиумски структури и сопствени центри на влијание.
Пораката од унгарците беше и симболична и политичка.
Граѓаните не зборуваа само преку гласачкото ливче, туку и преку пораки кои јасно го одразуваа расположението: “Ruszkik haza!”, или “Руси, одете си дома!” е скандирање што ја надмина дневната политика и стана јасен израз на геополитичката насока што ја избраа.
Дали тој модел имаше свои огледала и надвор од Будимпешта? Секако!
Затоа и доаѓаме до суштината на политичката порака што се однесува и на Македонија.
Христијан Виктор Мицкоски, или Орбан џуниор, со години гради политичка линија која не е само домашна стратегија, туку дел од поширок регионален образец: политички конзервативизам со силна медиумска инфраструктура, контролирани, иако празни пи-ар наративи и секако, дистанца од европските вредности и принципи.
Во тој контекст, Орбан не му беше само политички и бизнис партнер.
Тој му беше модел.
Но, моделот на неговиот модел се урна токму таму каде што беше најсилен – во сопствената држава, што само по себе носи последици кои не се симболички, туку структурни.
Прво, заврши политичката заштита.
Каде ќе (с)лета сега владиното авионче, кое со авто-пилот самото иташе кон Будимпешта?
Ако знаеме дека секоја регионална мрежа на влијание се одржува само додека има центар што ја држи рамнотежата, тогаш е јасно дека со политичката промена во Будимпешта, таа рамнотежа се нарушува.
Второ, финансиските и медиумските врски меѓу Орбан и неговата западнобалканска копија ќе станат предмет на преиспитување.
Она што досега се претставуваше како економска соработка, неизбежно ќе биде ставено под лупа – и дома и во Европа. На крај, и во Скопје.
Трето, се менува политичкиот контекст во кој се позиционираа локалните актери јужно од Унгарија.
Кога исчезнува „силниот сојузник“, останува само домашната сцена – без геополитичка поддршка и без паралелна легитимација.
И токму затоа, северецот што конечно дувна од Будимпешта не е локален ветер, туку силна регионална промена.
Тој нема да застане на границите на Унгарија. Ќе продолжи да се движи низ политичкиот простор на регионот.
Ќе дувне и во Србија.
Ќе дувне и во Македонија.
Затоа, прашањето повеќе не е дали ќе има промени, туку колку брзо (или споро) тие промени ќе стигнат до сите точки каде што тој модел беше пресликуван.
Но, тоа зависи од самите нас, зарем не?
За Мицкоски , тоа значи нова фаза – без политички штит, без медиумска дистанца и без онаа надворешна рамка која, вака или така, го оправдуваше моделот.
Сега останува само политиката дома, со сета јаловост и двогодишни очајни резултати.
И бездруго, одговорноста пред граѓаните.
А тоа е најтешкиот терен.
П.С.
Мислите дека ја заборавив мојата омилена тама? Нееее, нема шанси.
За барокниот стиропорец со пасош издаден од Орбан, допрва ќе пишувам(е).
Него… уште е во Пешта?
ФБ став на Андреј Жерновски

The post ДУВНА СЕВЕРЕЦ ОД ПЛАВИОТ ДУНАВ appeared first on IPortal.

Унгарскиот премиер Виктор Орбан се обрати на изборната ноќ на Фидес и го призна поразот на изборите.

Тој рече дека „резултатот е јасен“ и дека веќе ѝ честитал на победничката партија. Додаде дека исходот од изборите бил болен за Фидес.

На над 50 проценти пребројани гласови Тиса на Петер Маѓар води убедливо пред Фидес на Орбан.

Претходна објава

The post Орбан го призна поразот appeared first on IPortal.

Претседателот на СДСМ, Венко Филипче се огласи на социјалните мрежи откако Виктор Орбан ги изгуби изборите во Унгарија.

„Вечерва Унгарија рече ДОСТА E!

Недемократскиот режим на Орбан падна – токму како што месеци наназад најавуваме.

Криминалната организација ВМРО останува без својот единствен сојузник во ЕУ. Нема повеќе криење на Груевски во Будимпешта, ниту бизнис комбинации. Новиот премиер на Унгарија, г. Петер Маѓар, најави длабока реформа на медиумите поради огромното влијание што Орбан го имаше врз нив. Паѓаат автократските режими. Следен е Вучиќ а со него и Мицкоски. Време е за демократија! СДСМ ќе ја врати власта во рацете на народот и Македонија конечно ќе ја врати на европскиот пат. Демократијата и Европа победуваат.“, пишува Филипче.

The post Филипче по поразот на Орбан: Нема повеќе криење на Груевски во Будимпешта, ниту бизнис комбинации appeared first on IPortal.

Метео анализа на Славчо Попоски:

Во текот на новата седмица односно во периодот од 13 до 19 април 2026 територијата на Македонија ќе биде под влијание на циклонска активност со центар над Џеновскиот залив и токму оваа циклонска активност за време на споменатиот период ќе услови да имаме променливо и нестабилно време во Македонија со пролетни температури на воздухот.

Ќе имаме повремени локални врнежи од дожд кои повремено и локално ќе бидат пообилни и проследени со појава на грмежи и со засилен ветер од југоисточен правец. Ветерот од југоисточен правец ќе биде најизразен во Повардарието и во првите два дена од новата седмица, односно во понеделник и во вторник (13/14 април 2026).

И во Скопје и околината во погоре споменатиот период времето ќе биде променливо со повремен локален дожд и со услови за појава на ретки грмежи а повремено ќе засилува ветерот од југоисточен правец особено во понеделник и во вторник (13/14 април 2026).

Што се однесува до температурите на воздухот, тие остануваат пролетни па така наутро тие насекаде ќе бидат позитивни односно над нулата а преку денот тие ќе се искачуваат во интервалот од 16 до 22 степени а во Скопје и околината температурата ќе се искачува до околу 22 степени.

The post Температурите одат до 23 степени, ќе има и дожд – Метео анализа на Попоски appeared first on IPortal.

Денеска е втор ден Велигден, и со овој ден почнува светлата недела.

Со оглед на тоа дека велигденското славење трае три дена, на денешен ден се продолжува обилната гозба на која се честат гости, роднини, соседи, пријатели, кумови.
Кај христијаните денешниот празник е познат и како Светол понеделник и за овој ден важно е да запомните дека денот треба да биде исполнет со веселба. Затоа дружете се, веселете се и целата година ќе ви биде успешна.
Откако слугите на првосвештениците израилски го фатија Исус и Го предадоа на Пилат со барање да биде распнат, а Пилат за да им угоди конечно така и пресуди иако не Му најде вина, Господ пострада со смрт на Крст.

Висеше меѓу двајца разбојници, од кои едниот Го похули а другиот Го прослави, спасувајќи се со ова себеси за живот вечен. Во оној страшен миг неговите ученици се разбегаа како што Самиот им предрече; освен апостолот Јован Заведеев и мајка Му под Крстот, малку подалеку стоеја и неколку жени коишто последните години Му служеа со своите имоти. Покрај Него тогаш немаше други, освен непријателите и минувачите во неверие.

Евангелието подробно пишува за смртта. Потоа Јосиф од Ариматеја, кој Му беше ученик, се осмели и го побара од Пилат телото за да го погребе. Го положија во еден нов гроб којшто Јосиф го имаше скроено во карпа. Го затворија влезот со камен и заминаа.

За воскресението дознаа во мугрите во неделата, кога оние верни жени појдоа со миризливи масла на гробот за да Го помазаат телото, кое не Го најдоа. Веста ја прими прва Марија Магдалина и побрза да им јави на апостолите и тие не и поверуваа.

Петар и Јован самите се стрчнаа до гробот и го најдоа каменот одвален, а од телото лежеа оставени само повоите. По ова, кога се собраа заедно во куќата, Исус им се јави и разбраа дека воскреснал. Но им го отвори умот и за да ги разбираат Писмата. Им се јави и на Лука и Клеопа додека одеа во Емаус, но не Го препознаа веднаш. Срцата им гореа на сите.

The post Денеска се слави Светол понеделник appeared first on IPortal.

Владата предводена од Христијан Мицкоски не презеде мерки за заштита на стандардот на граѓаните и ги остави граѓаните да се борат со скапотијата секој ден постети Социјалдемократскиот сојуз (СДСМ) преку соопштение до медиумите и денес. Ниту пред Велигден владата на Мицкоски не презеде никакви мерки што е директен удар врз семејниот буџет, велат од СДСМ.
„Мицкоски ги остави граѓаните сами да се снаоѓаат токму во период кога трошоците се најголеми – пред Велигден. Додека семејствата се борат да обезбедат основни производи, Владата најавува мерки „по празниците“, чека анализи и извештаи. СДСМ со недели предупредуваше и нудеше конкретни решенија – намалување на цените на горивата и храната, но Владата одлучи да ги игнорира. Денеска, граѓаните ја плаќаат цената на таа неодговорност.
Реалноста на терен е поразителна. Велигденската трпеза е поскапа од кога било. Пазарите се полни, но торбите на граѓаните остануваат полупразни. Се купува минимално, „колку за проба“, а дел од граѓаните само разгледуваат без да можат да си дозволат.
Јагнешкото месо достигнува и до 700 денари за килограм, поскапеа јајцата и зејтинот, а цените на доматите надминуваат 200 денари за килограм. Поскапувањата се речиси кај сите производи, со најголем раст кај овошјето и зеленчукот.
Ова е резултат на задоцнети, недоволни и погрешни економски политики затоа што Мицкоски го штити бизнисот и профитот наместо стандардот на народот. Власта нема чувство за реалноста, ниту за потребите на граѓаните“, стои во денешното соопштение на СДСМ.
Социјадемократскиот сојуз укажува дека Владата не превзема мерки.

The post Јагнешкото е 700 денари, поскапеа и јајцата, Владата ги остави граѓаните без мерки и пред Велигден, обвини СДСМ appeared first on IPortal.

Пратеникот на СДСМ, Фатмир Битиќи, во гостување на 24 Анализа, обвини дека владата не презела навремени мерки за заштита на економијата и стандардот на граѓаните, а сега нема капацитет да се справи со ценовните шокови и кризата.

„Она што ме чуди е како една демохристијанска партија како ВМРО-ДПМНЕ пред Велигден им вика на своите граѓани: ’Ај да видиме, ај да ве ставиме во искушение, дали ќе издржите и овој Велигден со ценовен шок, па после Велигден можеби ќе интервенираме за цени.‘ Тоа малку ми личи контрадикторно за демохристијани. Владата не е таа која треба да го става во искушение народот дали ќе издржи со повисоки цени, па ќе му каже дека имаме најмала инфлација“, рече Битиќи.

Тој потенцираше дека владата не презеде ниту една антиинфлациска мерка, а уште во првите 30 дена по почетокот на кризата, кога сè уште спиралата на притисокот на цените не е стигната, имаме скоро 5% инфлација.

„Вчера имавме две законски решенија предложени од СДСМ во Собранието, кои директно се антиинфлациони решенија, за да се направи предвидливост кај граѓаните и стопанството, но валста ги одби. Тоа е намалување на ДДВ-то од 18% на 5% за енергенсите и плус дополнително намалување на акцизата. Не за месец дена, не за 3 недели, не за 40 дена, туку системско намалување, законски, на акцизата кај сите енергенси во подолг временски период, но треба да бидат ралени и да си кажат: владата тоа не може во овој момент да си го дозволи, затоа што приходите се на дното“, истакна Битиќи.

Битиќи се осврна и на инфлацијата, за која Мицкоски вика: „Ние сме петти во Европа по најниска инфлација.

“ Инфлацијата 4,9%. И тоа е реалноста. Во март 2026, наспроти 2025, е 4,9%. Но, инфлацијата кај храната и безалкохолните пијалаци е 7,6%. Во овој момент владата нема фискален капацитет за да ги намали своите приходи, затоа што не може да ги сервисира своите услуги како држава. Пример за тоа е зошто не се намалува продажбата на енергенси за странците. Затоа што сè тоа се дополнителни непланирани приходи во буџетот, кои итекако се добредојдени за владата“, заклучи Битиќи.

The post Битиќи: Владата нема капацитет, на 5% инфлација нема ниту една мерка за помош на граѓаните appeared first on IPortal.

Поранешниот премиер Димитар Ковачевски упати сериозни критики за состојбата со загадувањето и управувањето со отпад во земјата, оценувајќи дека институциите и политичките чинители мора да покажат поголема одговорност и посветеност.

„Одредена работа ќе биде завршена толку колку што ќе вложите труд во неа. Ако не вложувате труд, ако не сте посветени, нема да биде завршена. Така е со се во животот“, истакна Ковачевски, додавајќи дека и опозицијата има обврска да работи во интерес на граѓаните, а не да посакува застој за политички поени.

Тој нагласи дека иако владите се менуваат, државата останува и не смее да се дозволи нејзино запоставување.
„Ниту една влада не била вечна. Меѓутоа, државата се гуши во ѓубре“, потенцираше тој.

Во однос на загадувањето на воздухот во Скопје, Ковачевски посочи дека станува збор за долгогодишен проблем кој директно влијае врз здравјето на граѓаните.
„Секоја година сме на врвот по загаденост. Граѓаните заслужуваат чист воздух, а ние сè уште дебатираме дали некој загадува“, рече тој.

Според него, нема потреба од дополнителни анализи кога реалноста е видлива на терен.
„Само прашајте ги луѓето што живеат кај Цементара и таму каде што се гори отпад каков воздух дишат“, додаде Ковачевски, отворајќи го прашањето за индустриските капацитети во урбани средини.

Тој ја спомена и потребата од дислокација на одредени индустриски објекти од главниот град, потенцирајќи дека вакви решенија се неопходни за намалување на загадувањето.

Ковачевски предупреди дека последиците од загадувањето се веќе алармантни.
„Имаме околу 2.800 смртни случаи годишно како резултат на загаден воздух. Имаме и зголемена стапка на канцер, што е директно поврзано со нездравата животна средина“, истакна тој, додавајќи дека граѓаните во Македонија не се „поинакви“, туку живеат во полоши еколошки услови.

Освен воздухот, како проблематични ги посочи и реките и депониите.
„Погледнете го Вардар, погледнете ги другите реки, погледнете ги ѓубриштата. Дали сте биле во Дрисла да видите што се случува таму?“, праша тој.

Ковачевски ја критикуваше и локалната власт за недостиг на системски решенија, особено во делот на управување со отпад.
Според него, градот треба да започне процес за интегрирано управување со отпад, наместо да одложува решенија.

Како пример, тој го посочи искуството на Белград, каде преку соработка со странски инвеститори се развиваат системи за селекција, преработка на отпад и производство на енергија.

„Тоа се веќе познати решенија. Не треба да измислуваме ништо ново, туку да ги примениме“, заклучи Ковачевски, повикувајќи на итни и конкретни чекори за справување со еколошката криза.

The post Ковачевски: 2.800 луѓе годишно умираат од загаден воздух – расте и бројот на заболени од канцер appeared first on IPortal.