Во бомбашки напад врз главната владина канцеларија во јужниот дел на Тајланд полесно повредени се најмалку 20 луѓе.
Нападот се случил додека стотина локални претставници и муслимански свештеници разговарае за борбата протув новиот коронавирус.
Според полицијата бомбашот го паркирал камионот пред трговски ценар, а потоа поставил експлозивна направа на патот и побегнал. Учесниците на собирот излегле да видат што се случува кога експлодира бомбата поставена на патот, а потоа била детонирана бомбата во камионот.
Муслиманскиот сепаратистички бунт во јужниот дел на Тајланд од 2004 година до денес предизвиика смрт на околу 7.000 цивили, војници, владини претставници и бунтовници. Во регионот се наоѓаат три покраини со муслиманско мнозинство во претежно будистичкиот Тајланд.
Се уште никој не презел одговорност за нападот.