Познатата српска водителка Сузана Манчиќ, која повеќе од две децении е во љубов со грчкиот бизнисмен Симеон Цомокос, искрено проговори за предизвиците во бракот и откри дека во еден период била во искушение да му биде неверна на својот сопруг.
Сузана и Симеон се во врска повеќе од 25 години, а својата љубов официјално ја крунисаа со брак во 2018 година. Денес живеат на релација Белград–Атина и важат за еден од постабилните парови на јавната сцена.
Нејзиниот сопруг, Симеон Цомокос, е долгогодишен бизнисмен со богата професионална кариера. Тој дипломирал право и економија на Универзитетот во Атина, работел како експерт за комерцијални прашања во Амбасадата на САД во Атина, а бил и извршен директор на Американско-хеленската стопанска комора, како и генерален секретар на деловните совети меѓу Грција и повеќе други држави.
Во 1997 година ја основал компанијата SGT, специјализирана за корпоративни комуникации, а подоцна ја проширил својата деловна активност и во Србија преку компанијата Tsomokos Group International (TGI).
Во интервју за Hype TV, Сузана Манчиќ откри дека и покрај стабилниот брак, во еден момент помислила на неверство, но брзо се преиспитала.
„Ми падна на памет да го изневерам сопругот, но потоа се преиспитав и сфатив дека не вреди“, изјави водителката.
Освен за приватниот живот, таа зборуваше и за притисокот што жените го чувствуваат поради стареењето и општествените очекувања.
Според неа, многу жени ѝ се обраќале за совет околу естетските корекции и честопати разговарале за тоа како возраста влијае врз нивниот приватен и професионален живот.
„Ме прашуваа дали да направат ова или она, колку им пречат годините. Жените, во принцип, по 35-тата година се жигосани. По 35-тата година сите сме баби, а тоа никому не му е пријатно. Тоа се случува и во семејството и во општеството. Имам пријателки кои се успешни бизнис-жени и имаат одлични работни места, но никогаш не кажуваат колку години имаат, затоа што ако кажат, луѓето не сакаат да работат со нив. Јас немам проблем да кажам дека во ноември ќе наполнам 70 години“, изјави Манчиќ.
Со својата искреност, Сузана уште еднаш покажа дека не се плаши јавно да зборува за теми кои многумина ги избегнуваат, отворајќи разговор и за искушенијата во бракот и за предрасудите со кои се соочуваат жените како што стареат.