Леди Гага стана мајка! Поп-ѕвездата и нејзиниот свршеник Мајкл Полански го добија своето прво дете, а веста ја потврдил извор близок до двојката за „Пипл“.
Добитничката на Греми, која има 40 години, со години отворено зборуваше за желбата еден ден да стане мајка. Засега не се објавени полот и името на бебето, ниту други детали за раѓањето.
Претставниците на Гага не одговориле на барањето на „Пипл“ за коментар, а веста прв ја објави „Пејџ сикс“.
Уште во 2019 година, зборувајќи за своите планови за следната деценија, Гага откри дека се надева оти во нејзината иднина ќе има и деца.
„Сакам да снимам повеќе филмови, сакам да имам деца“, изјави тогаш таа.
Една година подоцна, во интервју за „Инстајл“, повторно зборуваше за желбата да основа семејство.
„Ќе кажам дека сум многу возбудена што ќе имам деца. Со нетрпение очекувам да станам мајка. Зар не е неверојатно што можеме да го направиме тоа? Можеме да носиме човечко суштество во себе и да го развиваме. Потоа излегува, а наша работа е да го одржиме во живот“, рече Гага.
Во октомври 2025 година, за време на гостувањето во емисијата „Вечерно шоу со Стивен Колбер“, пејачката ја нарече мајчинската улога својата следна голема желба.
„Би сакала да правам многу работи. Сите тие можности се отворени. Но, она што навистина го сакам е да бидам мајка. Се надевам дека тоа ќе биде мојата следна главна улога“, изјави таа.
Со свршеникот
Леди Гага и Мајкл Полански првпат беа романтично поврзани во 2020 година, кога беа фотографирани како се бакнуваат на новогодишна забава во Лас Вегас.