Хејли Бибер позираше целосно гола за насловната страница на списанието „Ајс“ (ICE), објави „Ју-ес-еј тудеј“. Нејзината одлука претставува голема промена во однос на ставот што го имаше пред пет години, кога зборуваше дека поради својата христијанска вера никогаш не би се фотографирала без облека.
Насловната страница, која беше објавена во вторникот, 8 септември, е дел од третото издание на списанието, насловено „Бразилско издание“ (The Brazil Issue). Фотографиите ги направи фотографката Ренел Медрано, а Хејли во интервјуто откри дека токму неа ѝ верува за ваков тип снимања.
На главната фотографија Хејли лежи на стомак, со телото свртено кон камерата, додека директно гледа во објективот и пие лименка од бразилскиот пијалак Гуарана Антарктика (Guaraná Antarctica).
Во разговорот за списанието, Бибер зборуваше и за своето бразилско потекло и за начинот на кој тоа влијаело врз нејзиниот живот.