На 29 октомври во Македонија ќе се прегласува во 35 општини во кои ниту еден кандидат за градоначалник не го доби потребно мнозинство од гласови.Меѓу општините во кои ќе се прегласува е и Штип, каде кандидатот на ВМРО ДПМНЕ Илчо Захариев има предност од 36 гласови. Но на сите им е јасно, а особено на Илчо Захариев, дека пресвртот не само што е можен, туку е стопроцентно извесен. Таа предност од 36 гласа не само што ќе се стопи, туку и целосно ќе превагне на страната на кандидатот од СДСМ, Благој Бочварски.
Причините се многубројни.
Прво, во првиот круг евидентирани се вкупно 1.141 неважечко ливче. Многу веројатно е дека голем дел од неважечките ливчиња ќе отидат на страната на кандидатот на СДСМ, Благој Бочварски. Оваа претпоставка е веројатна од едноставна причина: имено, ако тие биле задоволни од досегашната работа на Илчо Захариев, веќе ќе го дале гласот за него, и немало да го поништат ливчето, додека пак, сега имаат далеку поголем мотив да го дадат гласот за промена, кога е евидентно дека СДСМ победува во цела Македонија.
Втората причина лежи во фактот дека повеќе од илјада гласови, поточно 624 за Левица плус 536 за независна советничка листа чиј носител е Раман Демиров, или вкупно 1.160 гласови дадени за други политички опции за Советот на општина Штип. За, сега ќе го дадат својот глас за СДСМ и Благој Бочварски. Тоа е повеќе од извесно, не само заради фактот што гласачите на Левица, се политички блиски до СДСМ, туку затоа што и гласовите на граѓаните од ромската заедница природно се приклонуваат кон победниците.
Затоа и ставот прокламиран во насловот е вистинит. Штип, иако има втор круг, иако има двајца кандидати, во суштина има само еден избор. А тоа е избор со кој Штип ќе се приклучи кон победничкот бран и ќе почне да го оди патот на промените. Изборот за Штип е само еден. За среќа, или за жал, тоа сепак е така. Сите здраво-разумски политички анализи покажуваат дека во вториот круг, победата ќе ја однесе Благој Бочварски и СДСМ.
Д-р Трајче Стојанов, професор по филозофија