Македонските медиуми беа киднапирани, злоупотребени, сведени на криминални дувла, не само за ширење пропаганда и перење мозоци, туку и за правење пари, многу пари. Оттука, сосема е надвор од памет (но, и крајно некорисно) да се споредуваат сегашните ветришта на слободата со оние урагани коишто бришеа секаква трага на човечки или концептуален потенцијал и професионализам.
НО, еднакво, ако не и повеќе, е надвор од памет и опасно, денеска, во мај 2018-та, некој истите тие медиуми да ни ги продава за освестени покајници, за измачени Марии Магдалени и жртви.
Фактот што тие најбезобразно, преку ноќ, сменија страна, не е аргумент за нивното ослободување драги мои, напротив, тоа е уште еден доказ за нивната корупција и заложништво, амбиенти во коишто единствено умеат да пливаат.
И не, не е ова работа на фелата. Напротив, ова е работа на целото општество, на сите власти и на целото граѓанско јадро.
Ние бараме одговорност, не само на ниво на поединци, туку и на ниво на правни лица.
Лесно е Владата да заборави, на оваа и на секоја идна и’ требаат овие камелеони.
Но, наша одговорност и должност како генерација е да потсетуваме, да не заборавиме и да се потрудиме да го исчистиме просторот.
Без професионални медиуми, никогаш нема да имате демократија. Ќе имате неинформирни, прелажани и изманипулирани граѓани…. а на денот на избори нема ништо поопасно од едно такво “стадо”.
Честит да ни е денот колеги!
Нема информација, нема правда, нема мир!
Катарина Синадиновска – Фејсбук статус