Српската пејачка Јелена Карлеуша лансираше козметичка линија.
„Нешто на што работам долго време и на што сум горда“, го опиша овој потфат Карлеуша. Засега Јелена лансира два производа – Ja JK, унисекс парфем и мирисен спреј за тело и коса со исто име.
Таа ја претстави својата козметичка линија во белградскиот трговски центар Галерија, а ТикТок е преплавен со видеа од презентацијата. Очигледно е дека многумина сакаа да ги пробаат производите на Јелена бидејќи на промоцијата на овие производи во центарот имаше гужва. Парфемот привлече поголемо внимание, па многумина изјавија дека веќе го набавиле, а други најавија дека планираат да го купат.