Ријана официјално стана најмладата милијардерка во Америка која сама го заработила своето богатство, односно не го наследила од семејството или го стекнала преку брак.
34-годишната пејачка родум од Барбадос неодамна беше прогласена за најдобро рангирана музичарка на листата на Forbes, а сега стана единствената милијардерка помлада од 40 години.
Богатството на Ријана се проценува на 1,4 милијарди долари, а за тоа е заслужен успехот на нејзините брендови Fenty Beauty, Fenty Skin и Savage X Fenty.
„Никогаш не можев да замислам дека ќе заработам толку пари. Се разбира, и понатаму продолжувам да работам напорно, но нема да дозволам да бидам опседната со парите“, изјави таа претходно за New York Times.