Старите возила или популарно-олд тајмери имаат посебно место во срцето на нивните сопственици. Тие се грижат за нив, ги негуваат, ги чуваат исто како што се чува милениче, маче, куче или папагал. Ги мијат, ги покриваат, во гаражата за нив има посебно место, ако треба новото возило ќе ,,седи ” надвор, но не и железниот миленик на тркала.
И потоа , налицкан, гордо се носи на изложба.
Возилата беа дел од изложбата што ја организираше општина Гази Баба и ААК Примо АВЈ, а учествуваа 35 сопственици од Македонија и од Србија.