Пејачката Милица Павловиќ отворено проговори на темата за песната која во демо верзија ја изведе нејзината колешка Ана Николиќ, па рече дека целиот случај го предала на адвокатската канцеларија.
Песната „Проверено“ која се најде на албумот на Милица Павловиќ во рекордно време стана голем хит. Неколку дена подоцна се појави и демо снимка од истата песна во изведба на Ана Николиќ. Проблемот и оваа „поп војна“ се разгоре кога Ана на еден настап оваа песна ја претстави како своја, а веќе една недела страстите не се смируваат. Сепак, Милица решила да побара правна разрешница.
– Ана во меѓувреме не ме контактирала. Лично, сакам да ставам крај на оваа приказна, бидејќи од почит кон публиката која ме сака, која ја засака и оваа песна и заедно со мене ја направи хит, среќна сум – изјави Милица, а потоа додаде дека целиот случај е предаден на нејзиниот адвокатски тим.
-Тоа значи дека работата е во една добра адвокатска канцеларија. Но, како што веќе кажав, од мене нема да се слушнат навистина погрдни зборови. Мислам дека на народот му е многу јасно како стојат работите – објасни Милица, а потоа ги допре колегите кои не ја поддржаа во нејзиното обраќање до јавноста кога го извади целиот случај на виделина:
– Колегите кои не ме поддржаа зборуваат само за нив. Не дека не ме поддржаа, туку дека не реагираа на оваа приказна онака како што треба да реагираат луѓето кои се занимаваат со музиката на вистински начин. Но, повторно секој прави онака како што мисли дека треба и така му се враќа во животот – остро искоментира пејачката.