Владата на денешната седница одобри две инвестиции за соларни електрани во вкупен износ од 116 милиони евра.
Како што информира владината прес-служба станува збор за фотонапонска електрана со јачина од 85 мегавати која ќе се гради во Делчево од страна на Друштвото за производство, трговија и услуги „Ринуабл Пауер Интернационал” ДООЕЛ Скопје. Инвестицијата е вредна 63 милиони евра.
Втората инвестиција е исто така фотонапонска електрана, но со јачина од 70 мегавати која ќе ја гради „Хек Солар МК” ДООЕЛ Скопје во атарот на селото Долни Балван во Карбинци. Инвестицијата е 53 милиони евра.