До вчера слушавме како Мицкоски ѝ верува и се потпира на Комисијата за заразни болести, за потоа да бара нивна смена, да ги обвини за партизираност. Им одржа долга и здодевна лекција на здравствените работници за Хипократовата заклетва и за нивниот морален интегритет. Навредливо, крајно навредливо. И во линија со инфодемијата која има цел да го поткопа кредибилитетот на здравствените институции.
Во својата бескрајна тирада пред злокобната Бела палата (30 мај), без ни малку задршка и пристојност, претседателот на ВМРО-ДПМНЕ, Христијан Мицкоски, познат и како Извичник, ги понижи и навреди здравствените работници. Тие што деноноќно се на првата линија и ги ризикуваат своето здравје и живот, нив ги навреди. Се разбира, се обиде да ја навреди и интелигенцијата на сите останати што го слушнаа или прочитаа неговиот говор и одговорите на новинарските прашања.
Но затоа го испофали својот Наќе. Истиот што е на чело на нападот врз професионалниот и моралниот интегритет на МВР и што од петни жили се обидува да го врати стариот „отсјај“ на МВРО. Со своите паушални оценки и „јас, па јас“ настапот, тој го исполни својот горчлив настап со навреди и клеветења на адреса на сите, освен на своја адреса. Горчлив, нервозен, непријателски и клеветнички настап. Само да не се одело на избори!
Целата Колумна на Џабир Дерала за Цивил Медиа на следниот ЛИНК.