„Стравувањата се големи за таканареченото враќање на Груевски во Македонија, исто така да не заборавиме дека Груевски направи стравични дисторзии во ова општество, од злоупотреба на јавна функција, криминали, насилства, прибирање на лична корист“, изјави политичкиот аналитичар Ненад Јовановиќ за емисија во „Студио 10“ на Телевизија 24.
Тој смета дека ситуацијата наспроти кривичниот законик не е добро поставена. Владата го изгласа тоа со 61 пратеник, но сепак либерализацијата на земјата е далеку од посакуваната атмосфера, наспроти она што се однесува на кривичниот законик.
„Во секоја теориска книга стои дека „кичмата“ на една држава е правосудниот систем. Правосудниот систем би требало да докаже што е морално, што е исправно, и што е правично, се во интерес на граѓаните. Но, сепак гледаме дека правосудниот систем е клекнат на колена од пумпања на политичка моќ“, заклучи Јовановиќ.