Познатата актерка Сара Џесика Паркер на својот инстаграм профил изрази воодушевување од македонскиот документарен филм „Медена земја“.
„Медена земја“ е неверојатна, визуелено зачудувачка, епска а сепак интимна приказна за пчеларката Атиџе Муратова. Жена која нема никогаш да ја заборавам!“, напиша главната протагонистка во хит серијата „Сексот и градот“.
Холивудската актерка филмот го погледнала во Quad Cinema во Њујорк и истакна дека филмот е еден од најдобрите номинирани за „Оскар“.„Медена земја“ вечерва е на „Киненова“, а се прикажува и во Куманово, Битола, Свети Николе.