Познатиот актер Роберт Де Ниро бил итно пренесен во болница за време на снимањето на филмот во Оклахома, а според странските медиуми, актерот ја повредил ногата и веднаш бил примен во болницата во Њујорк.
Сè уште не е познато во каква состојба е актерот и колку е сериозна неговата повреда.
– Како и да е, Роберт требаше да патува во Њујорк две недели, така што нема да има одложување во снимањето на филмот – изјави портпаролот на актерот.
Да потсетиме, неодамна беше објавено дека Де Ниро и Грејс Хајтауер во моментов минуваат низ бракоразводна парница, што наводно му го влошува животот на актерот и значително влијае на неговите финансии.