Јавните личности не се исклучок кога станува збор за нормални чувства, емоции, стравови и грижи кои се присутни кај секој човек.
Сепак, добро познато е дека голем дел од нив вешто ги кријат од очите на јавноста, со цел да се заштитат себе, а некогаш тоа го прават за да го заштитат и своето семејство.
Имено, познатата водителка Миа Костова на својот Инстаграм профил објави листа со различни стравови, па им предложи на своите пријатели и следбеници да ја пополнат, а потоа да ја споделат на Инстаграм-стори.
Па така, меѓу првите беше Тамара Тодевска, која обележа кои се работите од кои таа најмногу се плаши. Вистина, смрт, јавен говор, смрт на сакани, болест и стареење – се нештата од кои пејачката стравува.
Таа својата листа ја сподели со следбениците, со коментар за Миа: „Еве ги моите. Тука сме некаде“.