Наталија Водјанова, една од најпознатите манекенки на светот вчера му го кажа судбоносното „да“ на својот долгогодишен партнер Антоан Арно, а свадбената церемонија била одржана во Париз.
Манекенката на својот Инстаграм профил објави фотографии од интимната венчавка со кои ги воодушеви своите следбеници.
Таа за оваа прилика одбрала едноставна, ретро венчаница од свила со боја на шампањ која ја красат нагласени рамена и тенок ремен околу струкот, а со неа носела елегантни салонки во бела боја. Нејзиниот сопруг со кој веќе има 2 сина носел темносино одело на брендот „Берлути“.
Наталија денес живее убав живот, но не отсекогаш било така. Имено, таа пораснала во тешка беда и сиромаштија, а како девојче работела на пазар. Нејзиниот живот се променил откако ја забележал моден агент кој ја вовел во светот на модата и ѝ овозможил удобен живот.
Така, Наталија на 17 години се нашла во Париз, а веќе како 20-годишна девојка на својата сметка имала 20 милиони долари.
Титулата на една од најплатените манекенки во светот ја вовела во светот на богатите и аристократите, во кој го запознала и својот прв сопруг Џастин Портман со кој има 3 деца. Нивниот брак траел 9 години, а Џастин во едно интервју открил дека по разводот морал да побара стручна помош поради нервниот слом кој го доживеал.
Наталија смело продолжила понатаму со животот, а набрзо по разводот повторно пронашла среќа во љубовта. Таа во 2011 година се вљубила во милијардерот Антоан Арно, за кој и се венчала, чие богатство се проценува на 84 милијарди долари.