Глумецот Даниел Крег, најпознат по улогата на Џејмс Бонс во интервју за магазинот “Кендис” рекол дека на своите деца нема да им остави големо наследство бидејќи смета дека тоа не е во ред.
Крег заработувал милиони долари од франшизата “Џејмс Бонд”, а неодамна е потврдено дека ќе глуми и во идните филмови “Knives Out” кои Нетфликс ги откупи во рамките на повеќемилионскиот договор потпишан на почетокот од годината.
Глумецот има 3 годишна ќерка и посинок со својата сегашна сопруга, оскаровката Рејчел Вајс како и поголема ќерка Ела, од поранешната сопруга, Фиона Лудон.
Крег рекол дека не планира да им остави богатство на своите деца, туку да им го подари на други, на пример како што направил индустријалецот Ендру Карнеги.
“Зарем не постои стара изрека која вели – ако умреш како богат човек, не си успеал?”, рекол тој за магазинот “Кендис” и додал: “Мислам дека Ендру го подели она што во денешни пари би биле 11 милијарди долари, што покажува колку богат човек бил, бидејќи се обложувам дека и тој задржал дел од парите”.
Ѕвездата од филмовите “Џејмс Бонд” рекол дека концептот за оставање наследство му е бизарен и смета дека подобро би било да се “ослободите или да го подарите пред да си заминете”.
Неговотo последно појавување како агентот 007 ќе биде во “No Time To Die” чија премиера е закажана за 30 септември откако повеќе пати се одложуваше поради Ковид-19.
И покрај тоа што ја играл најпознатата улога во историјата на филмовите, рекол дека не го интересираат славни личности.
“Не треба да се жалиме на ништо бидејќи и јас имам огромна корист од тоа кој сум, но факт е дека приватноста е исклучително важен дел од мојот живот, а тоа што сум славна личност ме прави нервозен”, заклучил Крег.