„Политиките на оваа Влада во наредниот период ќе бидат посветени на нашиот најсилен капитал – човечкиот, во поддршка на потенцијалот за раст и за грижа за секој наш граѓанин“, пишува премиерот Зоран Заев на својот ФБ профил.
„Во 2020 година проектиравме реални капитални расходи на ниво од 23 милијарди денари. Инвестициите се наменети за интензивирање на инфраструктурните проекти, односно за вложувања во патна и железничката инфраструктура, енергетската и комунална инфраструктура, како и капитални инвестиции за подобрување на условите во здравствениот, образовниот и социјалниот систем, земјоделството, културата, спортот, заштитата на животната средина и правосудството“, додава Заев.