Заев открива кога картичките „Купувам домашно“ ќе бидат доставени до граѓаните

-Станува збор за прогресивен аспект на помагањето, уште потаргетирано… 250. 000 плати за граѓаните вработени во фирми погодени од Ковид кризата. Еден од условите е да не го намалуваат бројот на вработени во приватните субјекти, рече премиерот Зоран Заев во вечерашното гостување во „Само интервју“ на Канал 5 ТВ.

Помошта за граѓаните и компаниите е во износ 470 милиони евра.

-Не е точно дека дававме картички пред изборите за да купуваме гласови. Еве сега поминаа изборите. Помагаме како и секоја држава во време на пандемија, констатираше Заев.

Премиерот потенцираше дека мерките се дизајнирани согласно препораките и во соработка со работодавачите, синдикатите, коморите…

-Со картичките за граѓаните може да се купуваат домашни производи и компјутери и технолошки уреди. Пасивните баратели на работа ќе добијат исто така картичка, еден дел од нив се земјоделците или вработени во неформалниот сектор, картички добиваат самохраните родители, пензионерите, појасни Заев.

-За 5-8 недели, однсоно кон средината на ноември банките ќе ги испорачаат картичките, но списоците ќе бидат објавени кон средината на октомври за да до крајот на годината граѓаните ги потрошат, рече Заев.

ПОВРЗАНИ ВЕСТИ

e