Пензионерите во Македонија во септември ги очекува ново зголемување на пензиите, кое овојпат треба да биде процентуално и да зависи од висината на месечните примања.
По неколкуте линеарни покачувања во изминатиот период, кога пензиите се зголемуваа за ист износ, следното усогласување треба да се пресметува процентуално, објави 4news.mk Тоа значи дека пензионерите нема да добијат идентично зголемување во денари – повисоката пензија ќе значи и поголем износ на покачувањето.
Точниот процент сè уште не е официјално утврден, бидејќи за конечната пресметка треба да бидат познати релевантните економски показатели.
Новото усогласување доаѓа по значителниот раст на пензиите во претходниот период. Од септември 2024 до март 2026 година, според податоците на Фондот на ПИОМ, вкупното линеарно зголемување изнесува околу 7.000 денари месечно.