Преку Министерството за земјоделство, шумарство и водостопанство обезбедени нови 994.290,00 денари за Општина Крушево кои ќе бидат инвестирани во инфраструктурен проект за тампонирање на локален пристапен пат до земјоделско земјиште во село Пресил.
На земјоделците од ова населено место им овозможуваме полесен пристап до нивните обработливи површини, појасни градоначалникот на општина Крушево, Томе Христоски.
Тој се заблагодари на Министерството за земјоделство, шумарство и водостопанство за финансиската поддршка и соработката во изминатиот период.
-Благодарение на нивната ангажираност и посветена работа, нашите одлуки стануваат реализирани проекти, потенцира Христоски.