Советот на општина Демир Капија на 27.04.2018 година ја одржа осмата по ред редовна седница на која беа разгледани и усвоени 14 точки од дневниот ред.
По разгледувањето на првата точка од дневниот ред беше усвоена Програмата за спроведување на општите мерки за заштита на населението од заразни болести во општина Демир Капија во 2018 година. Потоа се премина на втората точка од дневниот ред на која беше усвоена Програмата за работа на Комисијата за еднакви можности на жените и мажите за 2018 година. Третата и четвртата точка од дневниот ред по разгледувањето исто така беа усвоени, а се однесуваа на донесување на Предлог-План за управување со отпадот на општина Демир Капија (2018 – 2022) и Предлог-План за управување со отпад за Вардарски плански регион.
По разгледувањето на петата точка од дневниот ред беше донесена Одлука за давање согласност за основање на регионална депонија и потребната инфраструктура за Вардарски плански регион.Потоа се премина на шестата точка на која беше донесено Решение за именување командант, началник и членови на општинскиот штаб за заштита и спасување.Наредните пет точки од дневниот ред откако беа разгледани беа донесени Решенија за давање согласност на Годишниот план за вработување во општина Демир Капија, ЈКП Бошава Демир Капија, ОУ Дом на култура МИРКА ГИНОВА Демир Капија, ООУ Димче А. Габерот Демир Капија и ЈОУДГ БОРИС ТРАЈКОВСКИ Демир Капија. Дванаесетата точка од дневниот ред откако беше разгледана беше донесено Решение за одобрување финансиски средства на Здружение спортски клуб Клисура Демир Капија.Седницата заврши со разгледување на барања од физички и правни лица и советнички прашања.
