ВМРО – ДПМНЕ и нивниот кандидат за претседател Гордана Силјановска Давкова, вечерва со почеток од 19 часот пред владата ќе го оддржат централниот митинг во пресрет на претседателските избори закажани за 21 април и 5 мај.
Како и секои избори, традиција е на централниот митинг да присуствуваат и поддржувачи од сите градови низ државава, а така е и годинава.
За разлика од предходните години, кога беа на власт, ВМРО – ДПМНЕ од Крива Паланка, по се изгледа, од една моќна партија кога на времето можеа да се пофалат дека успеваа да мобилизираат 1000 граѓани, таа се сведе на партија без поддршка и доверба дека може да победи на овие избори.
Показател за ова е и денешниот мал интерес на граѓаните да отпатуваат во Скопје, па така од фотографиите кои пристигнаа до редакцијата, но и од информациите кои ги добивме, може да се забележи дека на централниот митинг во Скопје отпатувале едвај 200 луѓе, од кои најголем број се партиски активисти, но не и поддржувачи.
Фотографиите се направени во 16 часот, во исто време кога беше и закажано тргнувањето за Скопје.