Вечерва, 19 август, Градскиот плоштад во Крива Паланка ќе биде место за уште една музичка вечер исполнета со евергрини, македонски и екс-ју хитови, како и светски музички класици.
На летната сцена под отворено небо, пред публиката ќе настапат Ѓоко Ѓорчев и Кате Танева, кои со својот препознатлив музички израз ќе понудат вечер посветена на добрата музика и незаборавните мелодии.
Концертот започнува во 20 часот, а организаторите најавуваат пријатна летна атмосфера, добра музика и дружење во срцето на Крива Паланка.
Посетителите ќе имаат можност да уживаат во познати песни што ги одбележаа различните музички генерации, во амбиентот на градскиот плоштад и летната сцена.