Припадници на екстремистичката организација Боко Харам во Нигерија од 2013 година, па досега, киднапирале повеќе од 1.000 деца, се наведува во денешното соопштение на Детскиот фондот на ОН (УНИЦЕФ).
Меѓу нив се и 276-те девојчиња киднапирани од еден интернат во 2014 година, појасни УНИЦЕФ. Некои од девојчињата успеале да побегнат, некои се пуштени по преговори, но се уште околу 100 деца се заробени и се верува дека биле принудени да се венчаат со припадници на Боко Харам.
УНИЦЕФ дополни дека во нападите на Боко Харам, терористичка група која се противи на западниот стил на живот и на школување, убиени се и 2.295 просветни работници и уништени се повеќе од 1.400 училишта.
Во судирите меѓу Боко Харам и нигериските сили од 2009 година загинаа 20.000 лица, а околу 2,6 милиони се раселени.
Извор: Алсат