Тешко кривично дело се случило во селото Кервасари, во општина Малишево, Косово, каде синоќа со огнено оружје бил застрелан брачен пар.
Полицијата околу 23:20 часот добила пријава и во спалната соба ги пронашла 25-годишната жена и нејзиниот 26-годишен сопруг со прострелни рани. Двајцата биле пренесени во Универзитетскиот клинички центар на Косово.
Жената, за која според досегашните информации била бремена, починала околу 1:10 часот. Нејзиниот сопруг е во исклучително тешка здравствена состојба и лекарите се борат за неговиот живот.
Полицијата при увидот пронашла и одзела огнено оружје за кое се сомнева дека било употребено во нападот. Јавен обвинител го квалификувал случајот како „тешко убиство“, а истрагата продолжува за да се утврдат мотивот и сите околности на пукањето.
