Тачи: Не верувам дека може да има војна

Косовскиот претседател Хашим Тачи е убеден дека нема да има војна меѓу Србија и Косово.

– Не верувам дека може да има војна. Нема потреба за никаква загриженост, изјави Тачи во емисијата „Зона на дебати“ на телевизијата Клан Косова.

– Војна нема да има, повтори Тачи, додавајќи дека Косово на повиците за војна ќе одговори со мир.

Тој вели дека Косово било провоцирано со возот кој тргнал од Белград кон Косовска Митровица и додава дека возот го запреа оние кои и го стартираа, нагласувајќи оти Косово „реагирало согласно силата на законот и немало одговор со сила“.

Косовскиот претседател се задржа и на контроверзниот мост во северниот дел на Косовска Митровица.

– Мостот ќе биде урнат и нема да има никакви немири. Мостот ќе го урнат оние кои и го изградија, изјави Тачи.

ПОВРЗАНИ ВЕСТИ

e