Најбогатите Јапонци го зголемија своето богатство за речиси 50 проценти во текот на изминатата година, и покрај пандемијата, објави денеска списанието „Форбс Азија“.
Нето богатството на 50-те најбогати луѓе во Јапонија се зголеми за 48 проценти на 249 милијарди долари во споредба со претходната година, благодарение на закрепнувањето на извозот, како и скокот на берзанскиот индекс Никеи кој се зголеми за 54 проценти во споредба со една година претходно.
Богатството на секој од 50-те најбогати првпат надмина милијарда долари, според ранг-листата на тој бизнис магазин за 2021 година.
На врвот на листата според богатството е претседателот и извршен директор на јапонската SoftBank група, Масајоши Сон.
Неговото богатство двојно се зголеми и достигна 44,4 милијарди долари.
Претседателот и извршен директор на Fast Retailing, Тадаши Јанаи, чија компанија стои зад синџирот облека Uniqlo, го зазеде второто место, со богатство зголемено за околу 90 проценти, односно 42 милијарди долари.