Островот Мадагаскар во источна Африка е погоден од епидемија на морбили од огромни размери.
Според информациите од тамошното министерство за здравство, од октомври досега заболени се над 50.000 луѓе, а повеќе од 300 починале, најголем дел од нив деца.
Лекарите главната вина за состојбата ја лоцираат во слабата покриеност со вакцинација на населението, која се проценува на помалку од 50 проценти. За колективната имунизација да биде ефективна потребно е најмалку 95 проценти од луѓето да бидат вакцинирани.
Според СЗО, во 2017 околу 110.000 луѓе во светот починале од морбили, од кои најголем дел деца помали од 5 години..