Имаше една вемереовска лага, со која до 2015-та ги лажеа простаците, дека Бранко е уште на власт. Спротивното не е лага. Груевски е сѐ уште на власт, слепи сте?
Последно време „многу сме изненадени“ од настаните. Суштински, сѐ е болно едноставно. Не е убаво, побргу – страшно, но дека е сложено, не е. Тргнуваме од светото тројство: патриоти – криминал – тајни служби и… Алелуја. Јасно како ден. Сите настани и личности, си легнуваат на свое место. Не е едно, не се две, секогаш се „три во едно“. „Патриотите“ се „лепилото“ на сите три.
Србите и Хрватите ги поврзуваше оружјето, дрогата, украдените автомобили, фалсификуваните пасоши… Албанците, Македонците и Бугарите поработеа заедно и на транспортот на дрога и на продажба на оружјето од арсеналите во Албанија и на кршење на ембаргото против Србија, башка „политичките теми“. Македонците и Чесите на криење украдени буџетски пари, а со Унгарија и ден-денес на медискиот сектор и на други „ситни папазјании“. Со украинската мафија поработивме на радиоактивното железо… Така до сто и една и назад.
Целата колумна на Александар Цветкоски прочитајете ја на Плус Инфо на следниот линк