СДСМ, преку пратеничката Јованка Тренчевска, обвини дека цената на дизелот за шест месеци е зголемена за 43 отсто и надминала 100 денари за литар.
Тренчевска предупреди дека поскапото гориво ќе значи и повисоки трошоци за земјоделците, транспортот и производството, што дополнително ќе ги зголеми цените на храната.
Од СДСМ велат дека потрошувачката кошничка достигнала речиси 70.000 денари и ја критикуваат Владата за, како што наведоа, недоволни мерки за заштита на стандардот.
Во делот на земјоделството, СДСМ ги поддржа барањата на производителите на пиперка за повисока откупна цена и побара конкретни мерки, навремена исплата на субвенциите и поголема поддршка за домашното производство.
Тренчевска оцени дека растот на трошоците за гориво, ѓубриво и наводнување може дополнително да ја зголеми зависноста од увоз и да ја загрози прехранбената сигурност.