Младата фудбалска репрезентација на Македонија за играчи до 21 година,во квалификациониот натпревар за европското првенство што ќе се оддржи во Полска следната година, ја победи репрезентацијата на Шкотска со 1: 0 на гостински терен.
Шкотска доминираше во текот на целиот натпревар но на крајот не успеа да постигне израмнувачки погодок и покрај бројните шанси.
Нашата репрезентација поведе во 18 минута со голот на Марковски, после што шкотланѓаните ја презедоа топката во свои нозе. Македонија имаше контрола на резултатот и донекаде успешно парираше на противничките играчи се до 69 минута кога останавме со играч помалку. Бејтулаи успеа за две минути да добие два жолти картони и да заработи исклучување.
Потоа започнаа уште попеколни напади кон нашиот гол но за среќа успевме да се одбраниме.
Некаде во 75 минута се повреди нашиот голман, Алексовки кој и покрај повредата стисна зави и продолжи да игра бидејки веќе ги направивме сите три замени и не можевме да си дозволиме да останеме со двајца фудбалери помалку на теренот.
Македонија сега, на две кола пред крајот е на првата позиција на табелата со 15 бодови заедно со Исланд кој има натпревар помалку. Трета е Франција со 14 бодови.
До крајот на квалификациите на Македонија и останаа два натпревари на домашен терен, со последно пласираната Северна Ирска и со Шкотска.
По се изгледа натпреварот помеѓу Франција и Исланд што се игра на 6 Септември ќе има големо значење за нашата репрезентација.
Победникот на групата оди директно на европскиот шампионат, додека вториот оди во бараж.