Изборот за Мис Универзум оваа година се одржува во Њу Орлеанс, а на 14 јануари ќе дознаеме која девојка ќе биде крунисана за најубава на светот.
Претставничката на Украина, Викторија Апанасенко, веќе привлече огромно внимание, пред се со својот стајлинг.
Имено, таа се појави како „Воинот на светлината“, а како што претходно објасни, нејзиниот костим ја претставува борбата на нејзината нација против темнината, со оглед на тоа што Украина е во војна со Русија речиси една година.
Костимот на Викторија се состои од црн и златен комбинезон над кој има бел фустан, а на главата носи необична златна круна. Таа предизвика симболика на воин со меч во рацете, како и големи крилја во сина и жолта боја, кои ги претставуваат боите на украинското знаме.