Иако многумина ја гледаат Кејт Мидлтон како една од најдобро облечените кралски личности, сепак според познавачите на модниот свет, таа не може да се спореди со Шарлин Линет Витсток, принцезата од Монако.
Пред да се омажи за принцот Алберт Втори и да стане една од најубавите принцези која зачекорила во Монако, Шарлин беше олимписка пливачка од Јужна Африка. Таа се натпреваруваше на Олимписките игри 2000 година во Сиднеј, завршувајќи на петтото место во штафетата 4 х 100м. Во истата година, го освои златниот медал на 200 метри грбно на меѓународниот натпревар за пливање Маре Нострум во Монте Карло, Монако.
Тогаш го запозна принцот Алберт Втори. Во 2002 година, Шарлин освои три златни медали на турнирот во Светскиот куп во пливање, како и сребрен медал на Игрите на британската заедница во Манчестер. Принцезата ја заврши својата тркачка кариера во 2007 година. Претходно, идната кралска двојка се јавно се појави само во 2006 година, а во 2010 година ја објавија свршувачката. Следната година, се венчаа, истата година кога принцот Вилијам и Кејт Мидлтон се заколнаа на вечна љубов.
Шарлин, принцезата од Монако, која е среќна мајка на близнаци, е позната и по нејзиниот беспрекорен стил на облекување. Нејзините јавни настапи секој пат предизвикуваат воодушевување кај модните критичари и набљудувачите. Без разлика дали ќе облече фармерки и јакна на градинска забава, или долг сребрен фустан за вечера, сопругата на принцот Алберт Втори секогаш изгледа импресивно.
