Според соопштението од МНР, одлуката за протерување на дипломат од руската амбасада на амбасадорот Сергеј Баздикин му била соопштена на 14 мај (минатиот петок), но во јавноста нема детали за причините.
Стево Пендаровски, и Министерството за надворешни работи (МНР) потврдија дека од земјава е протеран руски дипломат, но не откриваат детали околу причините дипломатот да се прогласи за персона нон грата.
„Тоа се сензитивни работи, информриан сум од пред неколку дена. Од она што го видов случајот беше документиран од надлежните институции, не стануваше збор за импровизација. Поради природата на работата не можам понатаму да коментирам. Има рок да ја напушти земјата, мислам дека е 7 дена, притоа се водеше сметка од човечки аспект, да не биде тоа преку ноќ, тие луѓе имаат и семејства, нехумано е да постапуваме така по такви прашања“, изјави претседателот.