“Бараме избори на 11 декември, избори на кои не смее да има влечење за уши на избирачи, избори на кои не смее „ливче да снема“, избори кои не смеат да бидат циркус Медрано, избори на кои не смее да се гласа со лажни лични карти, избори на кои не смее да има притисоци, закани и уцени. Избори кои ќе бидат слободни, фер и демократски. На 11 декември заедно ќе ги симнеме од власт и заедно ќе победиме, бидејќи на 11 декември ќе победи граѓанска, праведна, слободарска Македонија”, рече пратеничката Рената Дескоска, во однос на предлогот на одлука за распуштање на Собранието на Република Македонија.
