„Кај ВМРО-ДПМНЕ и Христијан Мицкоски ништо не се променило, а партијата се води по деструктивните политики на Груевски и во одбрана на криминалот. „Обновата“ за која зборува Мицковски е само лажен параван зад кој се кријат деструкцијата и одбраната на криминалците и криминалот“, реагираат од партијата на власт.
„Со поразената на избори Гордана Силјановска која јавно кажа дека се залага за откажување од Договорот од Преспа и дека е против соработката со граѓаните Албанци во државата. Со Игор Дурловски која наводн треба да ја обновува државата, а значи најава на соништата од минатото за погазување на парламентарната демократија во земјата.
ВМРО-ДПМНЕ со ова раководство нема ниту визија, ниту посакува сигурна иднина за својата земја. ВМРО-ДПМНЕ со ова раководство е завршена приказна, се додека ги поддржува криминалните политики и инструкции од Будимпешта.
Ако Мицкоски расчисти со криминалците во своите редови, наместо да ги штити, и им се извини на граѓаните за грабежот од неговата партија, тогаш новите политики ќе бидат сфатени сериозно и ќе бидат вистинска опозиција“, се додава во реакцијата.