ВМРО-ДПМНЕ очајнички продолжува да измислува наводни скандали во обид да ги прикрие информациите поврзани со работењето на нивниот претседател Христијан Мицкоски во времето кога раководел со ЕЛЕМ, реагира СДСМ по обвинувањата дека ЕЛЕМ склучил милионски договор во четири очи.
„Христијан Мицкоски седум дена се крие од јавноста и не дава одговори на прашањата поврзани со договорите вредни 10.5 милиони евра, склучени во неспоредни спогодби, во период кога тој раководел со ЕЛЕМ, а неговата партија ВМРО-ДПМНЕ неколку денови измислува скандали и шири лажни вести за работата на ЕЛЕМ“, реагираат од СДСМ.