Мислењето на владата за автенитчно толкување на член 11 од Законот за помилување утре во Законодавно-правната комисија

Владата го испратила до Собранието мислењето за автентично толкување на член 11 од Законот за помилување. Претседателот на Собранието, Талат Џафери, пак, мислењето го доставил до претседателката на Законодавно-правната комисија Соња Мираковска.

Седницата на Законодавно-правната комисија се очекува да биде закажана во текот на утрешниот ден, автентичното толкување ќе оди и на пленарна седница.

Владата на денешната седница го усвои мислењето на Министерството за правда да се прифати иницијативата за автентично толкување на член 11 од Законот за помилување, поднесено од пратениците Сашко Костов и Диме Велковски.

Како што се наведува во соопштението од владината седница, во мислењето на Министерството за правда се вели дека Законот за помилување беше изменет и дополнет во 2009 година, кога беше укинат членот 11, кој содржеше можност за помилување без спроведување на постапка.

„Според ова мислење, во март 2016 година, Уставниот суд го укина Законот за изменување и дополнување на Законот за помилување од 2009 година, но со укинувањето на законот од 2009 година, не се враќа во сила одредбата од членот 11. Тоа значи дека претседателот на Републиката немал, ниту пак сега има правна можност да даде помилување без спроведување на постапка врз основа на тој член и според тоа сите акти за помилување на претседателот на државата засновани на член 11 од Законот за помилување објавен во„Службен весник на Република Македонија“ број 20/1993, се незаконски и како такви ништовни“, стои во соопштението.

ПОВРЗАНИ ВЕСТИ