Претседателот на Собранието Талат Џафери упати честитка до припадниците на српската заедница во земјава по повод 27 Јануари, Националниот празник на Србите.
-Почитувани граѓани, припадници на српската заедница во Република Северна Македонија, дозволете во свое име и од името на пратениците на Собранието на Република Северна Македонија да ви го честитам празникот Св. Сава. Српската заедница во Република Северна Македонија го дава подеднакво како и секоја етничка заедница својот придонес во секоја сфера од општествениот живот на земјата и тоа е значаен удел на патот кон остварувањето на нашите заеднички и стратешки цели како држава. Да бидеме сплотени и да си даваме меѓусебна поддршка на тој пат, се вели во честитката од Џафери по повод Денот на Свети Сава.