Нина Ангеловска, министерка за финансии во техничката Влада, во денешното гостување во “Само вистина” на Канал 5 телевизија со објаснување дека платежната картичка е темелно осмислен проект, а на банките издавачи веќе утре ќе им бидат префрлени 28 милиони евра кои ќе бидат ставени на располагање на граѓаните.
“Платежната картичка е еден огромен и темелно осмислен проект кој во кратки рокови е ставен во функција. Веќе има налог до трезорот и утре ќе бидат исплатени 28 милиони евра директно до деветте банки издавачи на картичките коишто ќе бидат веднаш ставени на располагање за трошење на средствата од страна на граѓаните. Мерката е добро осмислена да даде навистина насочени цели и ефекти како кон погодените сектори: угостителство, туризам, македонски производи и услуги, во смисла на тоа дека 28 милини евра ќе се влеат во погодените сектори преку граѓаните, а секако мислевме и на тоа да се опфатат сите граѓани, односно 4 таргет групи, коишто ќе добијат домашна платежна картичка, односно 325 000 граѓани. Граѓаните коишто добиваат највисок износ на поддршка се невработените лица и приматели на социјална помош коишто се активни баратели на работа. Нашата цел е да ги држиме луѓето активни со цел сите да придонесуваме за да економијата оди напред и да расте. Пасивните или неактивните баратели не се опфатени бидејќи тие не се пријавени во Агенцијата за вработување и тие всушност не се баратели, тие можеби работат хонорарно, имаат доходи по други основи, остваруваат приходи од автоски права и сл.
Картичките веќе се печатат, средствата утре ќе бидат исплатени на сите банки-издавачи, без какви било трошоци за граѓаните или за државата. Зборуваме за процес кој не може во еден ден да се реализира. Од утре ќе започне и дистрибуција на дел од картичките кои се веќе испечатени. Издавањето ќе се случува почнувајќи од утре, а најдоцниот рок за издавање на картичките поставен во уредбата е 18 јули, додека рокот за трошење на средствата е до 15 август. Во месеците јуни, јули и дел од месец август овие 30 милиони евра ќе се потрошат и ќе ја зголемат приватната потрошувачка секако со фокус на домашните македонски производи и услуги” – објасни Ангеловска.