Македонија моментално се наоѓа во можеби досега најголемата здравствена криза од осамостојувањето, со присуството на Коронавирусот во земјава. Здравствените власти, конкретно, комисијата за заразни болести препорачува, заради заштита на сопственото здравје и здравјето на тие околу нас, препорачува носење на заштитни маски.
Денеска, членови на СДСМ, предводени од Генералниот Секретар на партијата, Љупчо Николовски, во Штип, поделија заштитни маски на граѓаните кои движеа низ градските улици.
Само со одговорност и почитување на сите мерки без исклучок ќе успееме да го држиме вирусот под контрола. Да носиме заштитна опрема, да се заштитиме себе и другите. Денеска во Штип делевме маски на граѓаните, со цел да ја подигнеме јавната свест. Заедно ќе успееме, вели Николовски.
Инаку, генералниот секретар на СДСМ и претходно, преку социјалните мрежи, им порача на граѓаните да ги почитуваат трите правила за заштита од коронавирусот, заеднички да им се помогне на здравствените работници, а тоа се задолжително носење заштитна опрема на затворено и на отворено таму каде нема можност да се одржи дистанца, одржување најмалку 2 метри растојание со сите и редовно миење и дезинфекција на рацете.