Одамна е потврдено дека временските промени влијаат на здравјето на луѓето, особено на оние кои страдаат од некоја хронична болест.
Неочекуваните климатски промени се почесто приустни и влијаат на квалитетот на живот. Науката докажа дека ни физички, ни психички здравите луѓе не се имуни на промените коишто се случуваат во атмосферата.
Чувствата на умор, несоница, главоболка, вознемиреност, се најчести проблеми кои се случуваат при ненадејна промена на времето.
Со оглед на тоа дека временските прилики се менуваат, постојат главно 13 групи на болни кои се особено чувствителни на тие промени. Станува збор за луѓето кои страдаат од реума, астма, срцеви проблеми, висок крвен притисок, чир на желудник, психоза и други психички проблеми.
Затоа се препорачува редовно земање лекови и кога е „критично“ време да се остане дома, да не се патува, да не се заморувате со тешка физичка или психичка работа.