Брз и здрав појадок: Мафини со тиквички

Мафините со тиквички се одлична ужина или вечера, а исто така и пријатно изненадување за вашите гости. Тие се здрави и нискокалорични, така што можете да ги јадете без грижа на совеста, дури и ако сте на диета и внимавате на исхраната.

Сезоната на тиквички е во полн ек. Искористете го овој здрав зеленчук за новото, летно мени.

Потребни состојки:

2 тиквички
10 лажици брашно
1 лажичка сода бикарбона
3 лажици гриз
2 лажици масло
50 грама ситно сечкани пиперки
2 јајца
60 грама кашкавал
малку магдонос

Начин на подготовка:

Изрендајте ги тиквичките, посолете, додајте ги јајцата и измешајте ја смесата. Потоа, додајте ги маслото, пиперките и кашкавалот и продолжете да мешате. Додајте ги содата бикарбона, гризот и брашното и соединета ја смесата. На крајот, додајте го магдоносот. Распоредете ја смесата во калап за мафини и печете 20 минути на температура од 200 °С. Откако мафините ќе бидат готови, можете да посипете со пармезан по желба.

ПОВРЗАНИ ВЕСТИ

e