Еден маж загина, а повеќе од милион жители на Јапонија се посоветувани да ги напуштат своите домови поради моќниот тајфун кој денеска ќе ја погоди оваа островска земја.
Мажот загинал откако неговиот автомобил се превртел во источниот дел на Токио, додека четири лица се повредени откако силниот ветер откорнал покриви од домовите.
Досега 30.000 домови се уништени или оштетени, а 16.000 домаќинства останале без електрична енергија. Продавниците и фабриките се затворени, железничкиот сообраќај е прекинат и повеќе од 1.600 летови се откажани.