Кандидатот на демократите за претседател на САД, Хилари Клинтон го обвини рускиот претседател Владимир Путин за мешање во изборите откако тој изјави дека неодамнешното протекување на мејлови на демократите е во служба на јавноста.
Путин во интервју за Блумберг негираше дека руските власти стојат зад хакерскиот напад, но изјави дека не е важно кој стигнал до податоците, туку што сега тие и се достапни на јавноста. Портпаролот на Клинтон Џеси Лехрич реагираше до Блумберг дека е очигледно оти Путин му се придружил на републиканскиот кандидат Доналд Трамп во поддршката на странското мешање во изборите кое има за цел да и предизвика штета на Клинтон и на демократите во трката. – пишува РСЕ.