„По поразот во Сирија, терористите почнаа да бараат нови упоришта на Балканот и Југоисточна Азија“, истакна денеска рускиот претседател Владимир Путин на седницата на Советот на шефови на држави на Заедницата на независни држави.
Тој додаде дека соочени со поразот во Сирија, екстремистите сега се преселуваат во други региони каде се обидуваат да формираат упоришта, вклучувајќи ги Балканот, Југоисточна Азија и, за жал, јужните граници на земјите од ЗНД.
Според него, борбата против терористичките закани е приоритет за земјите членки на ЗНД.